تامر حبيب يفجر مفاجاة و يكشف سبب اعتزال شيرين عبد الوهاب
وقال عبر صفحته علي الفبيسبوك: "اما بالنسبة لخبر اعتزال شيرين عبد الوهاب، فأنا عرفت الخبر ده الساعة ٨،٣٠ صباحاً من احد الصحفيين اللي كلمني حوالي خمس مرات ورا بعض و صحاني من أحلاها نومة مع ان نومي تقيل، و الغريبة انه لغاية ما الساعة بقت عشرة كان كلمني تلاتة غيره عايزين مني اي معلومة، مع العلم انهم قاصدين يطلبوا تامر حبيب مش تامر عبد الوهاب، و بيني و بين شيرين صداقة لطيفة و زمالة لذيذة، لكن أنا مش من باقية عيليتها، و فرضاً أني تامر عبد الوهاب و ان شيرين مابتاخدش نفسها غير لما تقولي".
وأضاف: "هل من الكياسة او اللباقة او الذوق او المنطق، ان واحد عشان عايز خبر، يقلق منام واحد ارتيست، و معروف ان الارتيستات ولاد ليل و بيصحوا الضهر ومش مهم خالص الاعتبارات الآدمية و الذوق و التربية اللي مابيتشروش؟ طب اديكم اتهزقتوا علي الصبح... علي فكرة ساعات تصرفات و الاقتحام و الانتهاك دول بيبقوا سبب أساسي و مباشر في إصابة الفنان بالزهق و القرف و الخنقة و ضيق الخلق، و يخلوه يسب ميت ملة و يقول جااااااي، طب و الله مانا مشتغلها تاني، و يعتزل المهنة بسبب الف علة عند الآخرين مالهومش اي علاقة بطبيعة المهنة، ياللا اكتبوا بقي ان أنا صرحت ان هو ده سبب قرار شيرين الاعتزال".
Inscription à :
Publier les commentaires
(
Atom
)
